Axborot xavfsizligi va kibergigiyena: raqamlashtirish asrida himoya qilishning asosiy jihatlari
Joriy yilning 6 va 7 may kunlari “Yagona integrator UZINFOCOM” MCHJ “ONESEC” bilan hamkorlikda, “O‘zsanoatqurilishbank” ATBda ko‘rsatilayotgan axborot xavfsizligi bo‘yicha xizmatlari majmui doirasida, axborot xavfsizligining dolzarb masalalariga bag‘ishlangan seminarlar o‘tkazishdi.
12.05.2025
Seminarlar bankning axborot texnologiyalari va axborot xavfsizligi, hamda biznes yo‘nalishlari bo‘yicha mutaxassislar uchun yo‘naltirildi.
Seminarlar kibergigiyena, ijtimoiy muhandislik, banklarda ma’lumotlarni himoya qilishni tashkil etish, axborotni himoya qilish vositalari, parollarni boshqarish siyosati kabi muhim mavzularni qamrab oldi.
Bank xodimlari bilan o‘tkazilgan seminarlar davomida ko‘p faktorli autentifikatsiyani yo‘lga qo‘yish, tarmoq infratuzilmasini tashkil etishda uchraydigan xatoliklar, “Active Directory” ni sozlash va axborotni himoya qilish vositalaridan foydalanish masalalari faol muhokama qilindi.
O‘tkazilgan seminarlar natijalariga ko‘ra, zamonaviy axborot xavfsizligini ta’minlash, nafaqat texnik yechimlarni, balki har bir xodimning ongli xatti-harakatlarini talab qiladi degan hulosaga kelindi. Seminarlar ishtirokchilarga kiber-muhitdagi tahdidlarga qarshi kurashish uchun bilim va ko‘nikmalarni taqdim etdi.
