UZINFOCOM va Qozog‘iston Milliy to‘lov korporatsiyasi o‘rtasida o‘zaro anglashuv memorandumi imzolandi.

Kelishuvning asosiy maqsadi — ikki mamlakat fuqarolari uchun o‘zaro transchegaraviy identifikatsiyani yo‘lga qo‘yish bo‘yicha qo‘shma tashabbuslarni rivojlantirishdir. Bu Qozog‘iston va O‘zbekiston o‘rtasidagi moliyaviy xizmatlar ko‘rsatishda ishonch, xavfsizlik va qulaylikni oshirishga xizmat qiladi.

Memorandumni imzolaganlar:

• Qozog'iston tomonidan: Samaeva J.T. — “Qozog‘iston Respublikasi Milliy Bankining Milliy to‘lov korporatsiyasi” AJ Boshqaruvi Raisi.
• UZINFOCOM tomonidan: Miyassarov T.A. — Xalqaro biznesni rivojlantirish ofisi Direktori.

Ushbu hamkorlik mamlakatlar o‘rtasidagi raqamli aloqalarni rivojlantirishda muhim qadam bo‘lib, fintex va elektron xizmatlar sohasidagi integratsiyani yanada mustahkamlaydi.