Bugun UZINFOCOM kompaniyasiga turli sohalarda ilg'or texnologik yechimlarni ishlab chiquvchi IT-kompaniyalar uyushmasi – RUSSOFT assotsiatsiyasi vakillari tashrif buyurdi.

Ishtirokchi kompaniyalar quyidagi asosiy yo'nalishlarda o'z yechimlarini taqdim etdi:

• Raqamlashtirish va tizimli integratsiya – sanoat, energetika va davlat boshqaruvi uchun innovatsion yechimlar.
• Geoanalitika – ma'lumotlarni tahlil qilish va shahar infratuzilmasini rivojlantirish uchun platformalar.
• Kiberxavfsizlik – axborotni monitoring qilish, nazorat qilish va himoya qilish texnologiyalari.
• Moliyaviy texnologiyalar – billing tizimlari va fintex uchun yechimlar.
• Bulutli texnologiyalar va telekom – Wi-Fi tarmoqlarini boshqarish, xavfsiz videokonferensiyalar va shaxsiy bulutli saqlash xizmatlari.
• E-commerce – savdo maydonchalari (marketpleyslar), ko'p kanalli marketing va onlayn savdoni avtomatlashtirish.
• Media va teleradioeshittirish – efir va kontentni boshqarish uchun intellektual tizimlar.

 

Uchrashuv samarali ruhda o'tdi va biz ishonchimiz komilki, ushbu aloqalar istiqbolli hamkorlik va yangi raqamli yechimlarni joriy etish uchun poydevor bo'lib xizmat qiladi!