INNOPROM ko‘rgazmasi doirasida UZINFOCOM mutaxassislari Tatariston Respublikasi Sanoat klasteri Boshqaruvi raisi Sergey Mayorov boshchiligidagi delegatsiya bilan uchrashuv o‘tkazdilar.

Sanoat korxonalarida avtomatlashtirish, raqamlashtirish va unumdorlikni oshirish sohasidagi hamkorlikning asosiy yo‘nalishlari muhokama etildi.

Klaster boshqaruvi a’zosi, "Innovatsiya va mehnat unumdorligi" qo‘mitasi rahbari Dmitriy Mulkov ishlab chiqarishni modernizatsiya qilish va robototexnikani joriy etish haqida ma’lumot berdi. "IVA Technologies" va "Infomatika" kompaniyalari vakillari kirish-chiqishni nazorat qilish tizimlari uchun korporativ aloqa tizimlari va yechimlarini namoyish etdilar.