O‘zbekiston elchilari delegatsiyasi Qoraqalpog‘istondagi UZINFOCOMning hududiy bo‘linmasiga tashrif buyurdi.

Ko’zga ko’rinarli loyihalar:

• MyID Palm – Toshkent metropolitenida yo‘l haqi to‘lovini soddalashtirish uchun joriy etilgan kaft orqali biometrik identifikatsiya tizimi.
• Muxlisa sun’iy intellekt yordamchisi – hozirda qoraqalpoq tilini qo‘llab-quvvatlash ustida ish olib borilmoqda.
• “El-yurt umidi” jamg‘armasining avtomatlashtirilgan axborot tizimi – xorijda tahsil olayotgan o‘zbekistonlik talabalarni qo‘llab-quvvatlashga mo‘ljallangan raqamli platforma.

Delegatsiya shuningdek, Nukusdagi Ustudy IT akademiyasi filiali bilan tanishdi. Bu yerda dual ta’lim tizimi joriy etilgan bo‘lib, talabalar uchun bepul master-klasslar o‘tkaziladi. Dasturlash kurslarini muvaffaqiyatli tamomlagan yosh mutaxassislar UZINFOCOMda ishga joylashish imkoniyatiga ega bo‘lishadi.

 

Tashrif yakunida IT-yechimlar, kadrlar yollash va raqamli hamkorlik sohalarida hamkorlik imkoniyatlariga bag‘ishlangan taqdimot bo‘lib o‘tdi. Bu tashrif O‘zbekistonning yuqori texnologiyalar sohasidagi xalqaro aloqalarini mustahkamlash yo‘lida muhim qadam bo‘ldi.