UZINFOCOM ofisiga Botsvana Respublikasi delegatsiyasi tashrif buyurdi.
Tashrif doirasida Botsvana Respublikasi Bolalar farovonligi va boshlangʻich taʼlim masalalari vaziri Nono Kgafela-Mokoka xonim hamda Doimiy kotib oʻrinbosari Stiv Botasitse boshchiligidagi delegatsiya bilan uchrashuv boʻlib oʻtdi.
05.11.2025
Mehmonlar kompaniya faoliyati va uning raqamlashtirish borasidagi asosiy yoʻnalishlari bilan tanishdilar. Uchrashuvda IT-infratuzilmani rivojlantirishning zamonaviy yondashuvlari, innovatsion yechimlar va texnologik loyihalardagi hamkorlik istiqbollari muhokama qilindi.
Shuningdek, delegatsiya UZINFOCOM shourumida boʻlib, u yerda turli sohalar va davlat tizimlarida qoʻllanilayotgan raqamli mahsulot va texnologiyalar namoyish etildi.
