UZINFOCOMda Esyasoft vakillari bilan ishchi uchrashuv bo‘lib o‘tdi
UZINFOCOMda Ali Khalilov boshchiligidagi Esyasoft kompaniyasi vakillari bilan ishchi uchrashuv bo‘lib o‘tdi.
03.03.2026
UZINFOCOM tomonidan Bosh direktorning birinchi o‘rinbosari Maksumov Ravshan va Korporativ tizimlarni ishlab chiqish va joriy etish bo‘yicha loyihalar direktori Madraximov Timur ishtirok etdi.
|
Esyasoft kompaniyasi haqida Esyasoft — BAA, Hindiston va Buyuk Britaniya kabi bir qator mamlakatlarda energetikani raqamlashtirish, infratuzilmani avtomatlashtirish va resurslarni boshqarishning intellektual tizimlarini joriy etish bo‘yicha loyihalarni amalga oshiruvchi xalqaro texnologik kompaniya. |
|
Hamkorlik yo‘nalishlari Uchrashuv davomida tomonlar tajriba almashdilar va infratuzilmani raqamli modernizatsiya qilish, tahliliy vositalarni joriy etish hamda mavjud monitoring va hisobga olish tizimlariga texnologik yechimlarni joriy etish bo‘yicha hamkorlikning mumkin bo‘lgan yo‘nalishlarini muhokama qildilar. Jarayonlarni avtomatlashtirishda zamonaviy yondashuvlarni qo‘llash, ma’lumotlarni tahlil qilish vositalaridan foydalanish va resurslarni boshqarishning shaffofligini oshirish imkoniyatlariga alohida e’tibor qaratildi. |