Kuni kecha O‘zbekiston Respublikasi Raqamli texnologiyalar vaziri Sherzod Shermatov joriy yilning avgust oyida ochilgan Qoraqalpog‘iston Respublikasidagi IT Park majmuasiga tashrif buyurdi.

Tashrif doirasida u UZINFOCOM’ning Qoraqalpog‘istondagi filiali rahbari Aziz Madetovning filial faoliyati va vazifalari haqidagi hisobotini tingladi, shuningdek, Ustudy IT-akademiyasining Nukus bo‘limidagi ta’lim jarayoni bilan tanishdi. Vazir IT-ta’limni rivojlantirish bo‘yicha mas’ul shaxslarga ko‘rsatmalar va topshiriqlar berdi, shuningdek, hududning faol yoshlari va startap rahbarlari bilan uchrashuv o‘tkazdi.