.UZ domeni ma’muriyati 2025-yil 28-fevral kuni YUNESKO tashabbuslari doirasida o‘tkazilgan «Internet universalligi indikatorlari»
tadqiqotiga bag‘ishlangan Ko‘p tomonlama maslahat kengashi yig‘ilishida ishtirok etdi.
04.03.2025
Tadbirda YUNESKO, davlat va xalqaro tashkilotlar, fuqarolik jamiyati, ilmiy doiralar vakillari hamda mahalliy va xalqaro ekspertlar qatnashdi. Unda internetning rivojlanishi, uning ochiqligi, inklyuzivligi va inson huquqlariga muvofiqligi muhokama qilindi.
Ishtirokchilar natijalarni tahlil qilib, fikr almashdilar va takliflar berdilar.
Yig‘ilish yakunida O‘zbekistonda internet universalligi tamoyillarini mustahkamlash bo‘yicha keyingi qadamlar belgilandi hamda maslahat kengashining asosiy xulosalari e’lon qilindi.
