26-noyabr kuni UZINFOCOM Europe va O‘zbekiston-Latviya savdo palatasi o‘rtasida Hamkorlik memorandumi imzolandi.
Hujjat O‘zbekiston va Latviya o‘rtasidagi iqtisodiy aloqalarni mustahkamlash, savdo va investitsiya imkoniyatlarini kengaytirish, shuningdek, har ikki mamlakat tadbirkorlari o‘rtasidagi hamkorlikni rivojlantirishga bo‘lgan o‘zaro intilishni mustahkamlaydi.
03.12.2025
Memorandum axborot va tajriba almashish, yangi ishbilarmonlik aloqalarini o‘rnatishda ko‘maklashish hamda qo‘shma iqtisodiy tadbir va loyihalarda ishtirok etishni nazarda tutadi.
UZINFOCOM Europe Palata a’zosiga aylanib, ikki mamlakatdagi ishbilarmonlik muhitini rivojlantirishga qaratilgan tashabbuslarda faol ishtirok etishni rejalashtirmoqda. Memorandumning imzolanishi uzoq muddatli hamkorlik uchun imkoniyatlar yaratadi hamda Latviya va O‘zbekiston kompaniyalarining Markaziy Osiyo va Boltiqbo‘yi mintaqasidagi jadal rivojlanayotgan bozorlarda o‘z o‘rnini mustahkamlashiga xizmat qiladi.
