UZINFOCOM logoUZINFOCOM logo

.UZ domeni ma’muriyati APTLD 89 doirasida ma’ruza bilan ishtirok etdi

2026-yil 31-yanvardan 7-fevralga qadar Iordaniyaning Amman shahrida Osiyo-Tinch okeani yuqori darajali domenlar assotsiatsiyasining 89-yig‘ilishi — APTLD 89 bo‘lib o‘tdi. Tadbirda mintaqaning 50 dan ortiq milliy reyestrlari vakillari ishtirok etdi.

09.02.2026

.UZ domeni ma’muriyati APTLD 89 doirasida ma’ruza bilan ishtirok etdi

Forum doirasida milliy yuqori darajali domenlarni (ccTLD) boshqarish va rivojlantirish, DNS infratuzilmasi xavfsizligini ta’minlash, sun’iy intellektni o‘z ichiga olgan innovatsion texnologiyalarni joriy etish, shuningdek, ro‘yxatga oluvchilar va foydalanuvchilar bilan o‘zaro hamkorlik masalalari muhokama qilindi.

 

6A Sessiyasi: Yangi texnologiyalar va chaqiriqlar

Alohida e’tibor 2026-yil 4-fevral kuni bo‘lib o‘tgan 6A Sessiyasi — “ccTLDs and Emerging Technologies: Adapting Roles in a Rapidly Changing Internet”ga qaratildi. Ushbu sessiyada quyidagilar muhokama etildi:

 

  • Sun’iy intellekt jadal rivojlanayotgan sharoitda milliy domenlar ma’murlarining o‘rni;
  • Blokcheyn va markazlashmagan tizimlarni joriy etish;
  • ccTLD’larning yangi texnologik va boshqaruv chaqiriqlariga moslashuvi.
          Sessiya 6A

 

 

 

Ma'ruza         

.UZ domenining rivojlanish vektori

Sessiya davomida UZINFOCOM vakili, .UZ domeni ma’muriyati rahbari ma’ruza bilan chiqib, zamonaviy texnologiyalarni joriy etish, barqaror va xavfsiz domen infratuzilmasini rivojlantirish hamda O‘zbekiston Respublikasida raqamli transformatsiyani qo‘llab-quvvatlash bo‘yicha yondashuvlarni yoritib berdi.

 

APTLD 89 tadbirida ishtirok etish xalqaro hamkorlikni mustahkamlash, tajriba almashish hamda .UZ domenining global internet hamjamiyatidagi o‘rnini oshirishga xizmat qildi.

 

 

ГлавнаяУслугиПроектыКонтакты